Ceisteanna

Bealach maith le cabhrú le daoine eile ábhar a mhachnamh is ea ceist a chur orthu ina leith. Nuair a cuirtear ceist mhaith, cuidíonn sé linn eolas a tharraingt le chéile, na smaointe atá againn a mheas agus smaointe nua a chruthú.

Ceistiú Sócraiteach a tugtar air cheisteanna a chur go sonrach le cuidiú le daoine foghlam, ainm a thagraíonn do Shócrait sa Ghéig Ársa.

Ní mór, le ciesteanna shócraiteacha, éisteach go han-chúramach leis an duine eile le cuidiú leat do cheist a mheas agus a chur ar bhealach cuiditheach, inchiallaithe agus neamhionsaitheach.

Samplaí iad seo dá leithéid de cheisteanna:

Ceisteanna léiriúcháin

Céard atá i gceist agat nuair a deir tú ______?
Cén phríomhphointe atá agat?
Cén chaoi a mbaineann _____ le _____?
An bhféadfá é sin a rá ar shlí eile?
Fan go bhfeicfidh mé an dtuigim i gceart thú; an é _____ nó _____ atá i gceist agat?
Cén chaoi a gceanglaíonn sé seo leis an bhfadhb/ábhar plé/leis an gceist s'againne?
Orla, an bhféadfá achoimre a thabhairt i do chuid focail féin ar an méid a dúirt Darach? ... Dharach, an é sin a bhí i gceist agat?
An bhféadfá sampla a thabhairt dom?
An sampla maith é _____ de sin?

Ceisteanna a thóraíonn foshuíomhanna

Céard lena bhfuil tú ag glacadh anseo?
Céard lena bhfuil Sinéad ag glacadh?
Céard eile a bhféadfaimis glacadh leis ina áit?
Deabhraíonn sé go bhfuil tú ag glacadh leis go _____. An dtuigim i gceart thú?
Tá do chuid réasúnaíochta ar fad ag brath ar an tuairim go _____. Cén fáth ar bhunaigh tú do réasúnaíocht ar _____ seachas _____?
Deabhraíonn sé go nglacann tú leis _____. Cén chaoi a bhfírinníonn tú glacadh leis sin?
An mar sin a bhíonn i gcónaí? Cén fáth a gceapann tú gur fíor an foshuíomh anseo?
Cén fáth go nglacfadh duine leis gur fíor sin?

Ceisteanna a thóraíonn cúiseanna agus fianaise

An bhféadfá do chuid cúiseanna a mhíniú dúinn?
Cén chaoi a mbaineann sé sin leis an gcás seo?
An bhfuil aon chúis ann gan brath ar an bhfianaise sin?
Cé atá in ann fios a bheith acu gur fíor é sin?
Ceard a déarfá le duine a dúirt go ____?
An bhfuil fianaise ag éinne eile le tacú leis an dearacadh sin?
Cén réasúnaíocht a bhí agat le teacht ar an gconclúid sin?
Cá bhfaigheadh muid amach an fíor é sin?

Ceisteanna maidir le dearcadh nó le peirspictíocht

Cé atá á impleachtú agat ansin?
Nuair a deir tú _____, an bhfuil tú á chur i leith go _____?
Ach,dá dtarlódh sé sin, cén toradh a bheadh air? Cén fáth?
Cén tionchar a bheadh aige sin?
An gá go dtarlódh sé sin nó an é nach bhfuil ann ach seans / dóchúlacht go dtarlódh sé?
Cén mhalairt atá ann?
Más fíor _____ agus _____, céard eile a d'fhéadfadh a bheith fíor?
Má deirimid go bhfuil ____ eiticiúil, céard faoi _____?

Ceisteanna a thóraíonn impleachtaí agus iarmhairtí

Cén chaoi a bhfaighidh muid amach?
Céard leis a nglacann an cheist seo?
An gcuirfeadh _____ an cheist seo ar bhealach difriúil?
An bhfuil réiteach na ceiste seo ag éinne?
An féidir linn an cheist seo a bhriseadh síos ar chor ar bith?
An bhfuil an cheist seo soiléir? An dtuigeann muid í?
An bhfuil sé éasca nó deacair an cheist seo a fhreagairt? Cén fáth?
An aontaíonn muid ar fad gurb í seo an cheist?
Leis an gceist seo a fhreagairt, cé na ceisteanna eile is gá dúinn a fhreagairt ar dtús?
Cén chaoi a gcuirfeadh _____ an saincheist in iúl?
Cé tábhacht a bhaineann leis an saincheist seo?
An í seo an cheist is tábhachtaí, nó an bhfuil focheist ann?
An bhfeiceann cé mar a cheanglaíonn sé seo le ________?

Ceisteanna curtha in oiriúint ó Paul, R. (1993). Critical Thinking: How To Prepare Students for a Rapidly Changing World: Foundation for Critical Thinking, Santa Rosa, CA.

Tuilleadh eolas maidir le scríobh

Tuilleadh eolais maidir le léamh